బహుజనుల వీరుడు కొర్వి కృష్ణ స్వామి ముదిరాజ్!

• ఆయన ఆశయాలను కొనసాగించి ఐక్యంగా ముందుకెళదాం
• పిలుపునిచ్చిన నీలం మధు ముదిరాజ్​

స్వాతంత్ర్య సమరయోధుడు, రచయిత, పాత్రికేయుడు, విద్యావేత్త , బహుముఖ ప్రజ్ఞాశీలి కొర్వి కృష్ణ కృషితోనే ముదిరాజ్ సంఘం ఏర్పడిందని మెదక్​ పార్లమెంట్​ కాంగ్రెస్​ పార్టీ కంటెస్టెడ్​ క్యాండిడేట్​ నీలం మధు ముదిరాజ్​ అన్నారు. హైదరాబాద్ నగర మేయర్ గా పని చేసి ఆయన ముందుచూపుతో చేసిన నగర మాస్టర్ ప్లాన్ చిరస్థాయిగా నిలిచిపోయిందన్నారు. ముదిరాజ్ మహాసభ సంఘం ఏర్పాటు చేసి వ్యవస్థాపక అధ్యక్షుడిగానూ పనిచేశారన్నారు. కొర్వి కృష్ణస్వామి వర్ధంతి పురస్కరించుకొని చిట్కుల్​ లోని తన నివాసంలో ఆయన చిత్రపటానికి పూలమాలవేసి ఘన నివాళులర్పించారు. ఈ సందర్భంగా నీలం మధు ముదిరాజ్​ మాట్లాడుతూ.. బహుజనుల ముద్దుబిడ్డ, మహానేత కొర్వి కృష్ణస్వామి ముదిరాజ్ బహుజనుల పక్షాన ఉండి వారి అభివృద్ధికి ఎంతో కృషి చేశారన్నారు. ముదిరాజ్ జాతి ఐక్యత కోసం ముదిరాజ్ మహాసభ సంఘాని స్థాపించి వారి అభివృద్ధి కోసం ఎనలేని సేవలందించారని గుర్తు చేశారు. ఆ మహానేత ఆశయాలను కొనసాగిద్దామని పిలుపునిచ్చారు. ఆయన స్ఫూర్తితో ముందడుగు వేసి రాజకీయంగా, సామాజికంగా, ఆర్థికంగా ఎదగాలన్నారు.