అమ్మాయిల కలలకు అలెన్ ‘దూకుడు’.. కెరీర్ సాధికారత దిశగా ప్రత్యేక క్యాంపెయిన్

హైదరాబాద్: దేశంలోనే అగ్రగామి కోచింగ్ సంస్థ అయిన అలెన్ కెరీర్ ఇన్‌స్టిట్యూట్ (ALLEN Career Institute) అమ్మాయిల విద్యను ప్రోత్సహించేందుకు, వారిని ఉన్నత శిఖరాలకు చేర్చేందుకు ఒక ప్రత్యేకమైన కార్యక్రమాన్ని చేపట్టింది. మార్చి 8 నుంచి మార్చి 14 వరకు నిర్వహించే ఈ క్యాంపెయిన్ ద్వారా దేశవ్యాప్త పోటీ పరీక్షలకు సిద్ధమయ్యే విద్యార్థినులకు భారీ ప్రోత్సాహకాలను ప్రకటించింది. “జస్ట్ డేర్ హర్ టు డ్రీమ్” (ఆమెను కలలు కననివ్వండి.. అలెన్ తో అది సాధ్యమే) అనే నినాదంతో ఈ కార్యక్రమం సాగుతోంది.

నేటి విద్యా రంగంలో మారుతున్న ట్రెండ్స్ చూస్తుంటే, ముఖ్యంగా సైన్స్ అండ్ టెక్నాలజీ విభాగాల్లో అమ్మాయిల ప్రాతినిధ్యం పెరుగుతోంది. నీట్ (NEET-UG), జేఈఈ (JEE) వంటి జాతీయ స్థాయి పోటీ పరీక్షల్లో పాల్గొనే విద్యార్థినుల సంఖ్య ఏటా పెరుగుతున్న నేపథ్యంలో, వారికి సరైన విద్యా వనరులు, ఆర్థిక వెసులుబాటు కల్పించడమే లక్ష్యంగా అలెన్ ఈ అడుగు వేసింది.

అమ్మాయిల కోసం అద్భుతమైన ప్రయోజనాలు
అలెన్ సౌత్ జోన్ హెడ్ మహేష్ యాదవ్ ఈ కార్యక్రమం గురించి మాట్లాడుతూ, అంతర్జాతీయ మహిళా దినోత్సవం సందర్భంగా అమ్మాయిల సాధికారత కోసం ఈ నిర్ణయం తీసుకున్నట్లు తెలిపారు. ఈ క్యాంపెయిన్ కాలంలో ప్రవేశం పొందే విద్యార్థినులకు కేవలం విద్యాపరమైన సాయమే కాకుండా, ఆర్థికంగా కూడా పెద్ద మొత్తంలో ప్రయోజనం కలుగుతుంది.

మొదటగా, విద్యార్థినుల నైపుణ్యాన్ని అంచనా వేసేందుకు ఉచిత అకడమిక్ అనాలిసిస్ టెస్ట్ నిర్వహిస్తారు. కోర్సులో చేరిన వారికి సుమారు రూ.30,000 విలువైన రికార్డెడ్ లెక్చర్లు ఉచితంగా లభిస్తాయి. వీటన్నిటికీ మించి, ప్రతిభ ఆధారంగా అందించే 90% వరకు స్కాలర్‌షిప్‌లతో పాటు, మహిళా దినోత్సవం సందర్భంగా అదనంగా మరో 8% అడ్మిషన్ ఫీజు ప్రయోజనాన్ని సంస్థ అందిస్తోంది. పరీక్షల ఒత్తిడిని అధిగమించేందుకు సీనియర్ అకడమిక్ మెంటార్ల ద్వారా ప్రత్యేక కౌన్సెలింగ్ సెషన్లను కూడా ఏర్పాటు చేశారు.

విజయాల బాటలో అలెన్ దక్షిణాది కేంద్రాలు
హైదరాబాద్, బెంగళూరు, చెన్నై, విజయవాడ, విశాఖపట్నం వంటి దక్షిణాది ప్రధాన నగరాల్లోని అలెన్ కేంద్రాలు ఇప్పటికే ఎంతోమంది విద్యార్థినులను మెడికల్, ఇంజనీరింగ్ రంగాల్లో టాపర్లుగా నిలబెట్టాయి. అమ్మాయిలకు నాణ్యమైన విద్య, సరైన మార్గదర్శకత్వం అందిస్తే వారు సైన్స్, టెక్నాలజీ, మెడిసిన్ వంటి విభాగాల్లో నాయకత్వ స్థానాలకు చేరుకోగలరని అలెన్ బలంగా విశ్వసిస్తోంది. ఈ క్యాంపెయిన్ ద్వారా మరిన్ని గ్రామీణ పట్టణ ప్రాంతాల విద్యార్థినులు తమ లక్ష్యాలను చేరుకునే అవకాశం కలుగుతుంది.