వేసవిలో మీ శునకాల ఆరోగ్యం కోసం ‘సమ్మర్ డైట్ రీసెట్’..

వేసవి కాలం గరిష్ట స్థాయికి చేరుకుంటున్న తరుణంలో పెంపుడు శునకాలు డీహైడ్రేషన్, హీట్ స్ట్రెస్ జీర్ణక్రియ సంబంధిత సమస్యలకు ఎక్కువగా గురవుతుంటాయి. ఈ నేపథ్యంలో ‘గోద్రెజ్ పెట్ కేర్’ రీసెర్చ్ అండ్ డెవలప్‌మెంట్ హెడ్ డాక్టర్ అశోక్ పట్టనాయక్ పెంపుడు జంతువుల యజమానుల కోసం కీలక సూచనలు చేశారు. మనుషుల లాగే కుక్కలకు కూడా కాలానికి అనుగుణంగా ఆహార అవసరాలు మారుతుంటాయని, అందుకే ‘సమ్మర్ డైట్ రీసెట్’ పాటించడం అత్యవసరమని ఆయన పేర్కొన్నారు.

వేసవి పోషణ – జీర్ణవ్యవస్థ ప్రాముఖ్యత

శునకాల మొత్తం ఆరోగ్యంలో జీర్ణవ్యవస్థ కీలక పాత్ర పోషిస్తుంది. వాటి రోగనిరోధక శక్తిలో 70 శాతానికి పైగా జీర్ణవ్యవస్థతోనే ముడిపడి ఉంటుంది. వేసవిలో ఆహారం త్వరగా పాడైపోవడం, శరీరంలో నీటి శాతం తగ్గడం వల్ల వెటర్నరీ క్లినిక్‌లకు వచ్చే కేసుల్లో ఎక్కువ భాగం జీర్ణ సంబంధిత సమస్యలే ఉంటున్నాయి. మీ కుక్కలో ఆకలి తగ్గడం, నీరసం, విరేచనాలు, విపరీతంగా రొప్పుడం (ప్యాంటింగ్), లేదా వెంట్రుకలు రాలడం వంటి లక్షణాలు కనిపిస్తే వాటికి వెంటనే డైట్ రీసెట్ అవసరమని గుర్తించాలి.

సమ్మర్ డైట్ ప్లాన్ కోసం చిట్కాలు

వేసవిలో మీ పెంపుడు జంతువులను ఆరోగ్యంగా ఉంచడానికి ఈ క్రింది జాగ్రత్తలు తీసుకోండి:

నీటి శాతం అధికంగా ఉండే ఆహారం: శరీరంలోని ద్రవాలు ఎలక్ట్రోలైట్ సమతుల్యతను కాపాడటానికి నీటి శాతం ఎక్కువగా ఉండే ఆహారాన్ని అందించాలి.

తేలికపాటి భోజనం: ఎక్కువ కొవ్వు ఉండే భారీ ఆహారం జీర్ణక్రియపై ఒత్తిడి పెంచుతుంది. కాబట్టి సులభంగా జీర్ణమయ్యే ప్రోటీన్లు, ఫైబర్ ఉండేలా చూసుకోవాలి. ఒకేసారి కాకుండా తక్కువ పరిమాణంలో ఎక్కువసార్లు ఆహారం ఇవ్వడం మంచిది.

ప్రిబయోటిక్స్ ఫైబర్: పేగుల్లో మంచి బ్యాక్టీరియాను పెంచడానికి, పోషకాల శోషణను మెరుగుపరచడానికి 2 నుండి 4 శాతం ఫైబర్ ప్రిబయోటిక్స్ ఉండేలా చూసుకోవాలి.

సమతుల్య పోషణ: ఇంటి వంటలో అన్ని రకాల పోషకాలు ఉండకపోవచ్చు. కాబట్టి శాస్త్రీయంగా రూపొందించిన, భారతీయ వాతావరణానికి అనుగుణంగా ఉండే ‘గోద్రెజ్ నింజా’ వంటి సమతుల్య ఆహారాన్ని ఎంచుకోవడం వల్ల కండరాల పుష్టి, రోగనిరోధక శక్తి పెరుగుతాయి.

ఆహారం అందించే విధానం

ఎండ తీవ్రత తక్కువగా ఉండే ఉదయం లేదా సాయంత్రం వేళల్లోనే ఆహారం అందించాలి. ఎల్లప్పుడూ తాజా శుభ్రమైన నీరు అందుబాటులో ఉంచాలి. ఆహారం పాడైపోకుండా ఉండటానికి ఎక్కువ సమయం బయట ఉంచకూడదు. వేసవిలో వాటి శారీరక శ్రమను బట్టి ఆహార పరిమాణాన్ని సర్దుబాటు చేయడం ద్వారా మీ శునకాలు చురుగ్గా సంతోషంగా ఉండేలా చూసుకోవచ్చు. ఆరోగ్యకరమైన జీర్ణవ్యవస్థే కుక్కల సంతోషానికి మూలమని యజమానులు గుర్తించాలి.