- తెలంగాణలో క్లస్టర్ ఆధారిత కంప్రెస్డ్ బయో-గ్యాస్ (CBG) ప్రాజెక్టుకు జునో జూల్ బయో ఫ్యూయల్స్ భూమిపూజ
- 100 TPD బయో-గ్యాస్ ఉత్పత్తి సామర్థ్యంతో ఫ్లాగ్షిప్ ప్రాజెక్ట్
- స్వచ్ఛ ఇంధన పరివర్తన, గ్రామీణ ఆర్థిక వ్యవస్థ మరియు దేశీయ గ్యాస్ సరఫరాకు ఊతం
- 100 TPD ఉత్పత్తి సామర్థ్యం, 10 ప్లాంట్ల క్లస్టర్ – పర్యావరణ పరిరక్షణ మరియు రైతు సంక్షేమమే లక్ష్యంగా జునో జూల్ ముందడుగు
సిద్దిపేట: భారతదేశపు స్వచ్ఛ ఇంధన స్వప్నాన్ని సాకారం చేసే దిశగా తెలంగాణలో ఒక భారీ అడుగు పడింది. సిద్దిపేట జిల్లా నర్మెట్ట పారిశ్రామిక ప్రాంతంలో జునో జూల్ బయో ఫ్యూయల్స్ ప్రైవేట్ లిమిటెడ్ ప్రతిష్టాత్మకంగా చేపట్టిన కంప్రెస్డ్ బయో-గ్యాస్ (CBG) ప్రాజెక్టుకు ఈరోజు భూమిపూజ నిర్వహించబడింది.
ఈ చారిత్రాత్మక కార్యక్రమానికి రాష్ట్ర మరియు జాతీయ స్థాయి ప్రముఖులు హాజరై ప్రాజెక్ట్ విశిష్టతను చాటిచెప్పారు:
శ్రీ దుద్దిళ్ల శ్రీధర్ బాబు గారు: గౌరవనీయ ఐటీ, పరిశ్రమలు మరియు శాసనసభ వ్యవహారాల మంత్రి, తెలంగాణ ప్రభుత్వం, శ్రీ భువనేశ్వర్ కలిత గారు: రాజ్యసభ సభ్యులు మరియు సైన్స్ & టెక్నాలజీ, పర్యావరణ పార్లమెంటరీ స్టాండింగ్ కమిటీ చైర్మన్, శ్రీ ఎన్. కె. ప్రేమచంద్రన్ గారు: లోక్సభ సభ్యులు, శ్రీ సంతోష్ బగ్రోడియా గారు: మాజీ కేంద్ర బొగ్గు శాఖ మంత్రి, శ్రీ ఎం. రఘునందన్ రావు: మెదక్ ఎంపీ, శ్రీ టి. హరీష్ రావు గారు: సిద్దిపేట ఎమ్మెల్యే, శ్రీ రాయపాటి సాంబశివరావు గారు: మాజీ ఎంపీ, శ్రీ వి. హనుమంతరావు గారు: మాజీ రాజ్యసభ సభ్యులు.
వీరితో పాటు ప్రభుత్వ ఉన్నతాధికారులు శ్రీ కె. శశాంక (IAS), శ్రీ జె. నిఖిల్ చక్రవర్తి (IAS), ఆర్ఈసీ మాజీ సిఎండి శ్రీ పి. వి. రమేష్ (IAS Retd.), పీఎంఓ మాజీ ఓఎస్డీ శ్రీ ఎస్. వి. పిళ్ళై, మరియు గెయిల్ (GAIL), భాగ్యనగర్ గ్యాస్ (BGL) ప్రతినిధులు ఈ కార్యక్రమంలో పాల్గొన్నారు.
ప్రాజెక్ట్ మాస్టర్ ప్లాన్: మూడు దశల్లో అభివృద్ధి
ఈ క్లస్టర్ ఆధారిత ప్రాజెక్ట్ మొత్తం 10 ప్లాంట్ల కలయికతో రూపొందించబడింది. వీటిని దశలవారీగా పూర్తి చేసేందుకు జునో జూల్ స్పష్టమైన రోడ్ మ్యాప్ను ప్రకటించింది:
మొదటి దశ…. 3 ప్లాంట్లు … సామర్ధ్యం …30 TPD | పెట్టుబడి…రూ. 210 కోట్లు | భూమిపూజ పూర్తి (ప్రారంభం) |
రెండవ దశ—- 3 ప్లాంట్లు |సామర్ధ్యం… 30 TPD | పెట్టుబడి…రూ. 210 కోట్లు |
మూడవ దశ—4 ప్లాంట్లు | సామర్ధ్యం…40 TPD | పెట్టుబడి… రూ. 280 కోట్లు |
మొత్తం —10 ప్లాంట్లు* | సామర్ధ్యం…100 TPD| పెట్టుబడి….రూ. 700 కోట్లు| 2029-30 నాటికి పూర్తి |
సాంకేతికత, ముడిసరుకు వివరాలు:
ఈ ప్లాంట్లు పూర్తిగా ‘సర్క్యులర్ ఎకానమీ’ సూత్రంపై పనిచేస్తాయి:
ఫీడ్స్టాక్: వరి గడ్డి వంటి వ్యవసాయ వ్యర్థాలు, కోళ్ల వ్యర్థాలు మరియు పశువుల పేడను ఇంధనంగా మారుస్తారు.జునో జూల్ సిబిజి ప్లాంట్లు వరి గడ్డి వంటి వ్యవసాయ వ్యర్థాలతో పాటు కోళ్ల వ్యర్థాలు, పశువుల పేడ వంటి సేంద్రీయ వ్యర్థాలను స్వచ్ఛమైన ఇంధనంగా మారుస్తాయి. దీనివల్ల పొలాల్లో గడ్డి తగులబెట్టడం వంటి పర్యావరణ సమస్యలు తగ్గడమే కాకుండా, వ్యర్థాల నుండి విలువైన శక్తిని సృష్టించే ‘సర్క్యులర్ ఎకానమీ’ వృద్ధి చెందుతుంది.
హానికరమైన గ్రీన్ హౌస్ వాయువులను తగ్గించడంతో పాటు, ‘స్టబుల్ బర్నింగ్’ (గడ్డి తగులబెట్టడం) సమస్యకు శాశ్వత పరిష్కారం చూపుతుంది.
అనుసంధానం: . ఇది ‘ఆత్మనిర్భర్ భారత్’ మరియు ‘గోబర్ధన్’ (GOBARdhan) కార్యక్రమాల లక్ష్యాలకు అనుగుణంగా, దిగుమతులపై ఆధారపడటాన్ని తగ్గించి, కేంద్ర ప్రభుత్వ CBG–CGD సింక్రొనైజేషన్ పథకం కింద, ఉత్పత్తి అయిన గ్యాస్ను నేరుగా సిటీ గ్యాస్ గ్రిడ్లోకి సరఫరా చేస్తారు.
తెలంగాణ ప్రభుత్వం తరపున మంత్రి శ్రీ శ్రీధర్ బాబు గారు మాట్లాడుతూ, రాష్ట్రంలో ఇలాంటి మరిన్ని గ్రీన్ ఎనర్జీ ప్రాజెక్టులను ప్రోత్సహిస్తామని, సిద్దిపేట ప్రాంతాన్ని బయో-ఎనర్జీ హబ్గా మారుస్తామని హామీ ఇచ్చారు. “తెలంగాణ రాష్ట్రం స్థిరమైన మరియు భవిష్యత్ అవసరాలకు తగ్గ పారిశ్రామిక వ్యవస్థను నిర్మించడానికి కట్టుబడి ఉంది. ఈ కంప్రెస్డ్ బయో-గ్యాస్ ప్రాజెక్ట్ స్వచ్ఛ ఇంధనం మరియు గ్రామీణాభివృద్ధిపై రాష్ట్ర ప్రభుత్వానికి ఉన్న నిబద్ధతకు నిదర్శనం. వ్యవసాయ వ్యర్థాలను ఇంధనంగా మార్చడం ద్వారా పర్యావరణ సమస్యలను పరిష్కరించడమే కాకుండా, రైతులకు మరియు స్థానిక ప్రజలకు కొత్త ఆర్థిక అవకాశాలను కల్పిస్తుంది.” అని పేర్కొన్నారు.
“భారతదేశ ఇంధన భద్రత మరియు గ్రామీణ ఆర్థిక వ్యవస్థలో భాగస్వామ్యం వహించే దిశగా మా క్లస్టర్ ఆధారిత విధానం రూపొందించబడింది. వ్యవసాయ వ్యర్థాల నుండి విలువను సృష్టించడం ద్వారా స్వయం సమృద్ధి గల స్వచ్ఛ ఇంధన భారతాన్ని నిర్మించడమే మా లక్ష్యం.” అని తెలిపారు.
పర్యావరణ ప్రయోజనాలతో పాటు, ఈ ప్రాజెక్ట్ స్థానికంగా ఉపాధి అవకాశాలను కల్పిస్తూ రైతు ఆదాయాన్ని పెంపొందించడంలో తోడ్పడుతుంది. నర్మెట్టలో ప్రారంభమైన ఈ ప్రయాణం, దేశవ్యాప్తంగా సమీకృత బయో-ఎనర్జీ మౌలిక సదుపాయాల నిర్మాణానికి ఒక నమూనాగా నిలవనుందని కూడా తెలిపారు.
జునో జూల్ సీఈఓ శ్రీ నాగశరత్ రాయపాటి గారు మాట్లాడుతూ.. “భారతదేశం ఇంధన రంగంలో స్వయం సమృద్ధి సాధించాలనే లక్ష్యంలో భాగంగా ఈ క్లస్టర్ మోడల్ను రూపొందించాం. ఇది కేవలం గ్యాస్ ఉత్పత్తి మాత్రమే కాదు, వేలమంది రైతులకు అదనపు ఆదాయాన్ని, స్థానికులకు ఉపాధిని ఇచ్చే పారిశ్రామిక విప్లవం” అని తెలిపారు.
ఈ ప్రాజెక్ట్ గెయిల్ (GAIL) మరియు భాగ్యనగర్ గ్యాస్ లిమిటెడ్ (BGL) లతో ముందస్తు కొనుగోలు ఒప్పందాలను కుదుర్చుకుంది. తద్వారా హైదరాబాద్ పరిసర ప్రాంతాల్లోని రవాణా మరియు పారిశ్రామిక అవసరాలకు ఈ గ్యాస్ సరఫరా చేయబడుతుంది అని తెలిపారు.
శ్రీ భువనేశ్వర్ కలిత గారు మాట్లాడుతూ “తక్కువ కార్బన్ ఆర్థిక వ్యవస్థగా ఎదగడానికి క్షేత్రస్థాయిలో ఇలాంటి ఆచరణాత్మక పరిష్కారాలు అవసరం. ఇవి దేశీయ వనరుల ద్వారా ఇంధన భద్రతను మెరుగుపరుస్తాయి.” అని అన్నారు.
జునో జూల్ బయో ఫ్యూయల్స్ ప్రైవేట్ లిమిటెడ్ గురించి:
జునో జూల్ బయో ఫ్యూయల్స్ ప్రైవేట్ లిమిటెడ్ భారతదేశంలో భారీ స్థాయి బయో-ఎనర్జీ మౌలిక సదుపాయాలను అభివృద్ధి చేయడంపై దృష్టి సారించింది. సేంద్రీయ వ్యర్థాలను స్వచ్ఛమైన ఇంధనంగా మార్చడం ద్వారా పర్యావరణ సుస్థిరత మరియు గ్రామీణ ఆర్థికాభివృద్ధికి కంపెనీ కృషి చేస్తోంది. కంపెనీ భారతదేశంలో పెద్ద ఎత్తున పునరుత్పాదక ఇంధన మౌలిక సదుపాయాల కల్పనలో నిమగ్నమై ఉంది. గోబర్ధన్ మరియు సతత్ (SATAT) వంటి జాతీయ పథకాలకు అనుగుణంగా స్వచ్ఛమైన, చౌకైన ఇంధనాన్ని అందించడమే కంపెనీ ధ్యేయం.
