గోద్రెజ్ తన అన్ని రకాల అప్లయన్సెస్పై 5 ఏళ్ల సమగ్ర వారంటీ, ఎలాంటి దాగి ఉన్న ఖర్చులు లేని
వినియోగదారులలో నమ్మకాన్ని మరియు విధేయతను పెంపొందించే అనుభవాలను అందించాలనే బ్రాండ్ నిబద్ధతను చాటి చెబుతూ గోద్రెజ్ ఎంటర్ప్రైజెస్ గ్రూప్కు చెందిన అప్లయన్సెస్ బిజినెస్ గోద్రెజ్ ప్రామిస్ను ప్రకటించింది
- గోద్రెజ్ ప్రామిస్తో తన నాణ్యత నిబద్ధతను చాటుకుంది.
హైదరాబాద్: వినియోగదారులలో నమ్మకాన్ని మరియు విధేయతను పెంపొందించే అనుభవాలను అందించాలనే బ్రాండ్ నిబద్ధతను చాటి చెబుతూ గోద్రెజ్ ఎంటర్ప్రైజెస్ గ్రూప్కు చెందిన అప్లయన్సెస్ బిజినెస్ గోద్రెజ్ ప్రామిస్ను ప్రకటించింది. ఇందులో భాగంగా తమ అన్ని రకాల ఉత్పత్తులపై ఎటువంటి దాగి ఉన్న ఖర్చులు లేకుండా ఐదేళ్ల సమగ్ర వారంటీని అందిస్తోంది. దీని ద్వారా వినియోగదారులలో బలమైన భరోసాను నింపడమే కాకుండా వారు గృహోపకరణాలను కొనుగోలు చేసేటప్పుడు పూర్తి విశ్వాసంతో నిర్ణయం తీసుకునేలా శక్తివంతం చేయాలని బ్రాండ్ లక్ష్యంగా పెట్టుకుంది.
ప్రస్తుత కాలంలో ఏదైనా వస్తువు కొనేటప్పుడు దాని నాణ్యత మరియు అమ్మకం తర్వాత లభించే సర్వీస్ భరోసా కొనుగోలు నిర్ణయాలను ప్రభావితం చేస్తున్నాయి. ఈ నేపథ్యంలో గోద్రెజ్ అందిస్తున్న ఈ ఆఫర్ వినియోగదారులకు మరింత స్పష్టతను మరియు ధీమాను కలిగిస్తోంది. గత ఏడాది స్ప్లిట్ ఏసీలు మరియు ఇన్వర్టర్ విండో ఏసీలపై అందించిన పొడిగించిన వారంటీకి భారీ స్పందన రావడంతో కంపెనీ ఇప్పుడు ‘గోద్రెజ్ ప్రామిస్’ను ఇతర ఉత్పత్తులకు కూడా విస్తరించింది. దీని ప్రకారం ఏప్రిల్ 1, 2026 నుండి కొనుగోలు చేసిన రిఫ్రిజిరేటర్లు, వాషింగ్ మెషీన్లు, ఎయిర్ కూలర్లు, మైక్రోవేవ్ ఓవెన్లు మరియు డీప్ ఫ్రీజర్లపై కూడా ఈ ఐదేళ్ల సమగ్ర వారంటీ వర్తిస్తుంది.
ఈ చొరవలో భాగంగా ఒక కొత్త సమీకృత ప్రచారాన్ని కూడా ప్రారంభించారు. ఇది ఒక సాధారణ మరియు శక్తివంతమైన వినియోగదారుల ఆలోచన నుండి పుట్టింది. సాధారణంగా రోజువారీ జీవితంలో ఎన్నో వాగ్దానాలు చాలా సులభంగా చేస్తుంటారు. కానీ వాటిని పూర్తి బాధ్యతతో నిలబెట్టుకోవడం చాలా అరుదుగా జరుగుతుంటుంది. దీనిని ఆధారంగా చేసుకునే గోద్రెజ్ తన బాధ్యతను చాటుతూ ఈ ప్రచారాన్ని ముందుకు తీసుకెళ్తోంది.
గోద్రెజ్ ఎంటర్ప్రైజెస్ గ్రూప్లోని అప్లయన్సెస్ బిజినెస్ హెడ్ కమల్ నంది మాట్లాడుతూ.. వినియోగదారులలో విధేయతను పెంచే అనుభవాలను అందించాలనే తమ సిద్ధాంతానికి కట్టుబడి గోద్రెజ్ ప్రామిస్ అనే ఒక నిర్ణయాత్మక అడుగు వేసినట్లు తెలిపారు. ఇది తమ ఉత్పత్తుల నాణ్యతను మరియు బ్రాండ్ పై ఉన్న నమ్మకాన్ని మరింత బలోపేతం చేస్తుందని ఆయన పేర్కొన్నారు. తమ ఉత్పత్తుల శ్రేణి అంతటా అందిస్తున్న ఈ ఐదేళ్ల సమగ్ర వారంటీ ఎంతో పారదర్శకంగా ఉంటుందని మరియు ఇందులో ఎటువంటి దాగి ఉన్న ఖర్చులు ఉండవని స్పష్టం చేశారు. వినియోగదారులకు శాశ్వత విలువను మరియు మనశ్శాంతిని అందించడంతో పాటు విశ్వసనీయత మరియు నాణ్యతలో తమ గృహోపకరణాలను పరిశ్రమలో ఒక బెంచ్మార్క్గా నిలపాలనే తమ నిబద్ధతను ఈ చొరవ ప్రతిబింబిస్తుందని ఆయన వివరించారు.
గోద్రెజ్ ఎంటర్ప్రైజెస్ గ్రూప్లోని అప్లయన్సెస్ బిజినెస్ సర్వీస్ హెడ్ అర్నాబ్ బాగ్చీ మాట్లాడుతూ.. గోద్రెజ్ ప్రామిస్ అనేది తమ ఉత్పత్తుల నాణ్యతపై తమకు ఉన్న నమ్మకాన్ని మరియు బలమైన సర్వీస్ నెట్వర్క్ను ప్రతిబింబిస్తుందని తెలిపారు. వినియోగదారులు ఇప్పుడు సుమారు రూ.12 వేల విలువైన పారదర్శకమైన ఐదేళ్ల సమగ్ర వారంటీతో తమ ఉత్పత్తుల నుండి నమ్మకమైన పనితీరును పొందవచ్చని ఆయన పేర్కొన్నారు. దీని ద్వారా కస్టమర్లకు మరింత మెరుగైన సేవలందిస్తూ వారి నమ్మకాన్ని నిలబెట్టుకుంటామని ఆయన వివరించారు.
గోద్రెజ్ అందిస్తున్న ఈ 5 ఏళ్ల ఉచిత సమగ్ర వారంటీ అన్ని రకాల ఉత్పత్తులకు విలువను జోడిస్తుంది. ఇందులో భాగంగా ఏసీలు, రిఫ్రిజిరేటర్లు మరియు డీప్ ఫ్రీజర్లలో గ్యాస్ రీచార్జ్ వంటి కీలక సేవలతో పాటు టెక్నీషియన్ విజిట్స్ మరియు ఏసీ రిమోట్ రీప్లేస్మెంట్లను కూడా కవర్ చేస్తుంది. ఈ ఆఫర్ విలువ ఎయిర్ కూలర్లపై రూ.4,000 నుండి ప్రీమియం రిఫ్రిజిరేటర్లపై రూ.12,000 వరకు ఉంటుంది. ఇది వినియోగదారులకు దీర్ఘకాలిక పొదుపును మరియు మనశ్శాంతిని అందిస్తుంది. దేశవ్యాప్తంగా అన్ని ప్రాంతాల్లోని కస్టమర్లకు అన్ని విక్రయ మార్గాల ద్వారా ఈ సౌకర్యం అందుబాటులో ఉంటుంది.
