Muncipal Elections: పుర ఎన్నికల మ్యాజిక్.. సంగారెడ్డి జిల్లాలో ఊపందుకున్న పన్ను వసూలు..
తెలంగాణలో మున్సిపల్ ఎన్నికల నగారా మోగడంతో సంగారెడ్డి జిల్లాలోని పురపాలక ఖజానాలకు ఆదాయం పోటెత్తుతోంది.
తెలంగాణలో మున్సిపల్ ఎన్నికల నగారా మోగడంతో సంగారెడ్డి జిల్లాలోని పురపాలక ఖజానాలకు ఆదాయం పోటెత్తుతోంది. ఎన్నికల్లో పోటీ చేయాలనుకునే అభ్యర్థులు నామినేషన్ దాఖలు చేసే సమయంలో తప్పనిసరిగా ‘నో డ్యూ సర్టిఫికేట్’ (No Dues Certificate) సమర్పించాల్సి ఉండటంతో, పేరుకుపోయిన పన్నులన్నీ చెల్లిస్తున్నారు. దీనివల్ల ఏళ్ల తరబడి పెండింగ్లో ఉన్న ఆస్తి పన్నులు, కుళాయి పన్నులు, ట్రేడ్ లైసెన్స్ రుసుములు వసూలవుతున్నాయి.
నాలుగు రోజుల్లో భారీ వసూళ్లు: జిల్లాలోని 11 పురపాలికల్లో కేవలం నాలుగు రోజుల్లోనే రూ. 1.40 కోట్ల పన్నులు వసూలయ్యాయి.
సంగారెడ్డి టాప్: అత్యధికంగా సంగారెడ్డి మున్సిపాలిటీలో రూ. 45.20 లక్షలు వసూలు కాగా, అత్యల్పంగా కోహీర్లో రూ. 1.50 లక్షలు సమకూరాయి.
మొండి బకాయిల వసూలు: అధికారులు ఇంటింటికీ తిరిగినా స్పందించని వారు కూడా ఎన్నికల నేపథ్యంలో స్వచ్ఛందంగా వచ్చి బకాయిలు చెల్లిస్తున్నారు.
సంగారెడ్డిలో ఒక అభ్యర్థి ఏకంగా రూ. 52 వేల నల్లా పన్ను బకాయిని ఒకేసారి చెల్లించారు. మున్సిపల్ చట్టం ప్రకారం అన్ని రకాల పన్నులు చెల్లిస్తేనే నామినేషన్ ఆమోదం పొందుతుంది.
పురపాలికల వారీగా వసూలైన ఆస్తి పన్ను వివరాలు
- సంగారెడ్డి రూ.45.20 లక్షలు
- జహీరాబాద్ రూ.37.27 లక్షలు
- సదాశివపేట రూ.15.77 లక్షలు
- అందోల్-జోగిపేట రూ.5.23 లక్షలు
- నారాయణఖేడ్ రూ. 9.05 లక్షలు
- జిన్నారం రూ.1.75 లక్షలు
- గడ్డపోతారం రూ.8.20 లక్షలు
- ఇస్నాపూర్ రూ.9.11 లక్షలు
- ఇంద్రేశం రూ.2.05 లక్షలు
- గుమ్మడిదల రూ.5.20 లక్షలు
- కోహీర్ రూ.1.50 లక్షలు
