వరల్డ్ లివర్ డే 2026 సందర్భంగా రైడ్ ఫర్ ఏ కాజ్ పేరుతో బైక్ ర్యాలీని నిర్వహించిన గ్లెనెగల్స్ హాస్పిటల్

హైదరాబాద్, ఏప్రిల్ 19, 2026: కాలేయ ఆరోగ్యం మరియు కాలేయ వ్యాధులను ముందుగానే గుర్తించడంపై అవగాహన పెంచడానికి ఏటా ఏప్రిల్ 19న నిర్వహించే వరల్డ్ లివర్ డే 2026 సందర్భంగా లక్డీకాపూల్‌లోని గ్లెనెగల్స్ హాస్పిటల్ “Ride for a Cause” అనే థీమ్‌తో బైక్ ర్యాలీని చేపట్టింది. ఈ ఏడాది థీమ్ అయిన సాలిడ్ హ్యాబిట్స్, స్ట్రాంగ్ లివర్(“Solid Habits, Strong Liver”) ప్రాధాన్యతను వివరిస్తూ రోజువారీ జీవనశైలి అలవాట్లు కాలేయ వ్యాధులను ఎలా అరికడతాయనే అంశంపై ఈ ర్యాలీ దృష్టి సారించింది.

ఈ కార్యక్రమంలో హైదరాబాద్ వ్యాప్తంగా ఉన్న బైక్ క్లబ్‌లు, ఉద్యోగులు మరియు ఆరోగ్య సిబ్బందితో సహా మొత్తం 500 మందికి పైగా బైకర్లు మరియు ఇతర వ్యక్తులు పాల్గొన్నారు. లక్డీకాపూల్‌లోని గ్లెనెగల్స్ హాస్పిటల్‌కు చెందిన సీనియర్ కాలేయ వ్యాధి నిపుణులు, సర్జన్లు, నిర్వాహకుల సమక్షంలో హైదరాబాద్, సైఫాబాద్, అసిస్టెంట్ కమిషనర్ ఆఫ్ పోలీస్ ఆర్.సంజయ్ కుమార్ ఈ ర్యాలీని జెండా ఊపి ప్రారంభించారు.

లక్డీకాపూల్‌లోని గ్లెనెగల్స్ హాస్పిటల్ నుండి ప్రారంభమైన ఈ బైక్ ర్యాలీ నగరం వెంబడి ఉన్న ప్రధాన రహదారులవెంట సాగి తిరిగి హాస్పిటల్‌కు చేరుకుంది. ఈ క్రమంలో దారి పొడవునా ప్రజలను విశేషంగా ఆకర్షించింది. బైక్ రైడర్లు కాలేయ ఆరోగ్యంపై సందేశాలు ఉన్న జెండాలను పట్టుకుని, హెల్మెట్లను ధరించి ఈ ర్యాలీలో పాల్గొన్నారు. రోడ్డు భద్రతతో పాటు సమతుల ఆహారం, రోజూ వ్యాయామం చేయడం, మద్యపానానికి దూరంగా ఉండటం మరియు క్రమం తప్పకుండా ఆరోగ్య పరీక్షలు చేయించుకోవడం వంటి కాలేయానికి మేలు చేసే అలవాట్లపై వీరు అవగాహన కల్పించారు.

ఈ సందర్భంగా లక్డీకాపూల్‌లోని గ్లెనెగల్స్ హాస్పిటల్‌కు చెందిన లివర్ కేర్ బృందం కార్యక్రమంలో పాల్గొన్న వారితో మరియు బైకింగ్ కమ్యూనిటీతో మమేకమయ్యారు. కాలేయ ఆరోగ్యం కోసం వ్యాధులను ముందుగానే గుర్తించడం మరియు జీవనశైలిలో మార్పులు చేసుకోవడం ఎంత ముఖ్యమో వివరించారు. ఈ కార్యక్రమంలో లీడ్ హెపటాలజిస్ట్ డాక్టర్ కావ్య హారిక దెందుకూరి(Kavya Harika Dendukuri), సీనియర్ హెచ్‌పీబీ మరియు లివర్ ట్రాన్స్‌ప్లాంట్ సర్జన్ డాక్టర్ తరుణ్ గట్టు, కన్సల్టెంట్ హెచ్‌పీబీ మరియు లివర్ ట్రాన్స్‌ప్లాంట్ సర్జన్ డాక్టర్ మణికంటేశ్వర రావు, సీనియర్ కన్సల్టెంట్ సర్జికల్ గ్యాస్ట్రోఎంటరాలజిస్ట్ డాక్టర్ జి విక్టర్ వినోద్ బాబు పాల్గొన్నారు. ఈ ప్రాంతంలో పెరుగుతున్న కాలేయ వ్యాధులను అరికట్టడానికి క్రమం తప్పకుండా స్క్రీనింగ్ చేయించుకోవడం, సరైన సమయంలో చికిత్స పొందడం మరియు నిరంతరం అవగాహన కలిగి ఉండటం చాలా అవసరమని వీరందరూ కలిసి నొక్కి చెప్పారు.

ఈ సందర్భంగా గ్లెనెగల్స్ హాస్పిటల్స్ హైదరాబాద్ మరియు చెన్నై రీజినల్ సీఈఓ భరత్ కాంత్ రెడ్డి మాట్లాడుతూ.. “మనం ప్రతిరోజూ తీసుకునే నిర్ణయాలే మన దీర్ఘకాలిక ఆరోగ్యాన్ని ప్రభావితం చేస్తాయని చెప్పడానికి వరల్డ్ లివర్ డే ఒక నిదర్శనం. ప్రజలు కాలేయానికి మేలు చేసే అలవాట్లను అలవర్చుకునేలా చేయడం, సరైన సమయంలో ఆరోగ్య పరీక్షలు చేయించుకునేలా ప్రోత్సహించడం, అందరూ ఆరోగ్యంగా ఉండేలా ఒకరికొకరు తోడ్పడటం వంటి చర్యల ద్వారా అవగాహనను ఆచరణలోకి తీసుకురావడానికి చెన్నై, హైదరాబాద్‌లోని గ్లెనెగల్స్ హాస్పిటల్స్ కట్టుబడి ఉన్నాయి” అని పేర్కొన్నారు.

ఈ సందర్భంగా లక్డీకాపూల్‌లోని గ్లెనెగల్స్ హాస్పిటల్ చీఫ్ అడ్మినిస్ట్రేటర్ భరత్ ఎం మాట్లాడుతూ… “ముదిరిపోయిన కాలేయ వ్యాధులు మనుషుల జీవితాలను ఎలా చిన్నాభిన్నం చేస్తాయో మేం ప్రతిరోజూ చూస్తూనే ఉన్నాం. ముఖ్యంగా పని చేసే వయసులో ఉన్న వారిలో కూడా ఈ సమస్యలు ఎక్కువగా కనిపిస్తున్నాయి. ఈ బైక్ ర్యాలీ ద్వారా హైదరాబాద్‌లోని యువత మరియు రైడింగ్ కమ్యూనిటీని కాలేయ ఆరోగ్యానికి అంబాసిడర్లుగా మార్చాలని మేం భావిస్తున్నాం. క్రమశిక్షణతో కూడిన అలవాట్లు, సురక్షితమైన నిర్ణయాలు మరియు క్రమం తప్పకుండా పరీక్షలు చేయించుకోవడం వల్ల కాలేయాన్ని బలంగా ఉంచుకోవచ్చని, తద్వారా తీవ్రమైన ఆరోగ్య సమస్యలను నివారించవచ్చని ప్రతి ఒక్కరికీ తెలియజేయడమే మా లక్ష్యం.” అని వివరించారు.

లక్డీకాపూల్‌లోని గ్లెనెగల్స్ హాస్పిటల్ బిజినెస్ డెవలప్‌మెంట్ అండ్ మార్కెటింగ్ జనరల్ మేనేజర్ కూర మురళీధర్(Kura Muralidhar) మాట్లాడుతూ.. “హైదరాబాద్ బైకింగ్ కమ్యూనిటీ తమ రైడింగ్ పట్ల ఉన్న అభిరుచిని సామాజిక ప్రయోజనం కోసం ఉపయోగించి అద్భుతమైన ఉత్సాహాన్ని, క్రమశిక్షణను ప్రదర్శించింది. ఇలాంటి అవేర్‌నెస్ రైడ్స్ కాలేయ ఆరోగ్యంపై సందేశాన్ని ప్రజలకు ఆకర్షణీయంగా, గుర్తుండిపోయే రీతిలో నేరుగా ప్రజల్లోకి తీసుకువెళ్లడానికి సహాయపడతాయి.” అని పేర్కొన్నారు.

ప్రపంచ కాలేయ దినోత్సవం 2026(World Liver Day 2026) సందర్భంగా “సాలిడ్ హ్యాబిట్స్, స్ట్రాంగ్ లివర్” అనే నినాదంతో కాలేయ ఆరోగ్యాన్ని కాపాడుకోవడానికి ఆరోగ్యకరమైన ఆహారం, శారీరక శ్రమ, మద్యపానాన్ని తగ్గించడం మరియు సరైన సమయంలో పరీక్షలు చేయించుకోవడం వంటి స్థిరమైన జీవనశైలి మార్పులను అవలంబించాలని ప్రజలను కోరుతున్నారు. హెపటాలజీ, హెచ్‌పీబీ సర్జరీ, కాలేయ మార్పిడిలో హైదరాబాద్‌లోని ప్రముఖ కేంద్రాలలో ఒకటిగా ఉన్న లక్డీకాపూల్‌లోని గ్లెనెగల్స్ హాస్పిటల్, నివారణ పరీక్షల నుండి అత్యాధునిక శస్త్రచికిత్సలు మరియు కాలేయ మార్పిడి సేవల వరకు సమగ్రమైన చికిత్సను అందిస్తోంది.

ఈ కార్యక్రమంలో భాగంగా పాల్గొన్న వారికి కాలేయ ఆరోగ్యంపై అవగాహన కల్పించే కరపత్రాలను పంపిణీ చేశారు. అలాగే ఊబకాయం, ఫ్యాటీ లివర్, మధుమేహం, వైరల్ హెపటైటిస్ మరియు మద్యపానం వల్ల వచ్చే కాలేయ వ్యాధుల వంటి ప్రమాదకర అంశాల గురించి వారికి కౌన్సెలింగ్ ఇచ్చారు. రాబోయే రోజుల్లో హైదరాబాద్ వ్యాప్తంగా ఇలాంటి మరిన్ని అవగాహన కార్యక్రమాలను నిర్వహించేందుకు స్థానిక బైకింగ్ గ్రూపులు మరియు కమ్యూనిటీలతో కలిసి పనిచేయాలని హాస్పిటల్ ప్రణాళికలు వేస్తోంది.