భాగ్యనగరంలో అల్ట్రా లగ్జరీ స్మార్ట్ హోమ్స్.. వన్ హైడ్ పార్క్ చేతులు కలిపిన గ్లోబల్ జైంట్ ‘ష్నైడర్ ఎలక్ట్రిక్’!

హైదరాబాద్: రియల్ ఎస్టేట్ రంగంలో సరికొత్త సాంకేతిక విప్లవానికి తెర లేచింది. ఎనర్జీ మేనేజ్‌మెంట్, డిజిటల్ ట్రాన్స్‌ఫార్మేషన్ రంగాల అంతర్జాతీయ దిగ్గజం ష్నైడర్ ఎలక్ట్రిక్, నగరంలోని ప్రతిష్టాత్మక నివాస ప్రాజెక్ట్ ‘వన్ హైడ్ పార్క్’ తో వ్యూహాత్మక భాగస్వామ్యాన్ని కుదుర్చుకుంది. అత్యాధునిక ఐఓటీ (IoT) అప్లికేషన్లు, పర్యావరణ అనుకూల ఇంధన వనరులను గృహ నిర్మాణ శైలికి అనుసంధానించడం ద్వారా మెట్రోపాలిటన్ లగ్జరీ లైఫ్‌స్టైల్‌ను నెక్స్ట్ లెవెల్‌కు తీసుకువెళ్లడం ఈ కొల్లాబరేషన్ ప్రధాన ఉద్దేశం.

ప్రస్తుతం ప్రీమియం అపార్ట్‌మెంట్‌లను కొనుగోలు చేసే సంపన్న వర్గాలు కేవలం బాహ్య సౌందర్యానికే పరిమితం కాకుండా, రోజువారీ సౌకర్యం, గృహ భద్రత పర్యావరణ హితమైన ఇంధన పొదుపు ఫీచర్లకు అత్యధిక ప్రాధాన్యత ఇస్తున్నారు. ఈ నేపథ్యంలోనే భవిష్యత్తు అవసరాలకు తగ్గట్లుగా అడాప్ట్ అయ్యే డిజిటల్ ప్లాట్‌ఫామ్‌లకు మార్కెట్లో డిమాండ్ విపరీతంగా పెరిగింది.

బ్యాక్‌గ్రౌండ్ టెక్నాలజీతో 20% విద్యుత్ ఆదా
ఈ ప్రాజెక్ట్ కింద వన్ హైడ్ పార్క్ సముదాయంలోని ఫ్లాట్లు, కారిడార్లు, పబ్లిక్ ఏరియాలు అధునాతన క్లబ్‌హౌస్‌లలో ష్నైడర్ ఎలక్ట్రిక్ తన ప్రీమియం ‘స్పేస్‌లాజిక్ కేఎన్ఎక్స్’ వ్యవస్థను అమర్చింది. ఈ స్మార్ట్ డిజిటల్ ఆర్కిటెక్చర్ నివాసితులకు కంటికి కనిపించకుండా, ఇళ్లలో అంతర్భాగంగా ఉంటూనే కింది సేవలను సజావుగా నిర్వహిస్తుంది:

ఇంటెలిజెంట్ లైటింగ్ & క్లైమేట్ కంట్రోల్: గదుల్లోని ఉష్ణోగ్రతను క్రమబద్ధీకరించడానికి వీఆర్‌వీ/వీఆర్‌ఏసీ సిస్టమ్స్‌తో పాటు వెలుతురును కావాల్సిన మేర సర్దుబాటు చేసుకునే ‘డాలీ’ (DALI) లైటింగ్ టెక్నాలజీ ఉంది.

మూడ్-బేస్డ్ ఆటోమేషన్: నివాసితులు తమ మానసిక స్థితికి తగినట్లుగా కేవలం ఒక్క క్లిక్‌తోనే ఇంట్లోని లైట్లు, ఏసీలు, కర్టెన్లు వినోద సాధనాల సెట్టింగులను ఒకేసారి మార్చుకోవచ్చు.

ఎనర్జీ మేనేజ్‌మెంట్: విద్యుత్ వృథాను అరికట్టేందుకు స్మార్ట్ టచ్ డిస్‌ప్లేలు, సెంట్రలైజ్డ్ రిలేలు ఎకో-సెన్సార్లను అమర్చారు.

ఈ వినూత్న వ్యవస్థ కారణంగా వన్ హైడ్ పార్క్ నివాస సముదాయంలో ఇప్పటికే సుమారు 20% మేర విద్యుత్ వినియోగం తగ్గినట్లు అంచనా వేస్తున్నారు. ఇది ఒకే సమయంలో అత్యున్నత విలాసవంతమైన సౌకర్యాలను అనుభవిస్తూనే, మరోవైపు పర్యావరణ రక్షణ ప్రమాణాలను కూడా సమర్థవంతంగా పాటించవచ్చని నిరూపించింది.

ప్రస్తుత కాలంలో లగ్జరీ లివింగ్ అనేది కేవలం ఇంటీరియర్ డిజైన్ పైనే కాకుండా, ఆ ఇల్లు అందులో నివసించే వారి అవసరాలకు ఎంత తెలివిగా స్పందిస్తుందనే దానిపై కూడా ఆధారపడి ఉంటుందని ష్నైడర్ ఎలక్ట్రిక్ ప్రతినిధి పేర్కొన్నారు. గృహాలలో టెక్నాలజీ అనేది ఎక్కడా ఇబ్బందికరంగా మారకుండా, దైనందిన సౌకర్యాలను పెంచేలా ఉండాలని వివరించారు.

హెచ్‌పీ లఖానీ అసోసియేట్స్ వ్యవస్థాపకులు, ప్రముఖ డిజైనర్ హరేష్ లఖానీ మాట్లాడుతూ.. లగ్జరీ ఇళ్లలో సాంకేతికత ఎప్పుడూ పైకి కనిపించకుండా బ్యాక్‌గ్రౌండ్‌లో నిశ్శబ్దంగా పని చేస్తూ జీవన అనుభూతిని పెంచాలని చెప్పారు. ష్నైడర్ ఎలక్ట్రిక్ వారి స్పేస్‌లాజిక్ కేఎన్ఎక్స్ వ్యవస్థ తమ ప్రాజెక్ట్ అవసరాలకు సరిగ్గా సరిపోయిందని కొనియాడారు. నిర్మాణ శైలిని డిజిటలైజేషన్ విద్యుద్దీకరణతో అనుసంధానించిన ఈ ప్రాజెక్ట్, దేశీయ ప్రీమియం రియల్ ఎస్టేట్ రంగంలో స్థిరమైన ప్రగతికి ఒక కొత్త మైలురాయిని నెలకొల్పిందని మార్కెట్ వర్గాలు భావిస్తున్నాయి.