సీఐఐ గ్రీన్ సిమెంటెక్ 2026.. సిమెంట్ పరిశ్రమలో పర్యావరణహిత మార్పులకు ఊతం

హైదరాబాద్, 12 మే 2026: సిమెంట్ పరిశ్రమ కోసం కాన్ఫెడరేషన్ ఆఫ్ ఇండియన్ ఇండస్ట్రీ(CII) నిర్వహిస్తున్న ప్రతిష్టాత్మక వార్షిక కాన్ఫరెన్స్, ఎక్స్‌పో ‘గ్రీన్ సిమెంటెక్’ 22వ ఎడిషన్, 2026 మే 14-15 తేదీల్లో హైదరాబాద్‌లోని హైదరాబాద్ ఇంటర్నేషనల్ కన్వెన్షన్ సెంటర్ (HICC)లో జరగనుంది. సిమెంట్ రంగంలో సుస్థిరత, ఇంధన సామర్థ్యం, అత్యాధునిక సాంకేతిక ఆవిష్కరణలను ప్రోత్సహించాలనే బలమైన నిబద్ధతతో, సిమెంట్ మాన్యుఫ్యాక్చరర్స్ అసోసియేషన్ (CMA) భాగస్వామ్యంతో సీఐఐ – గ్రీన్ బిజినెస్ సెంటర్ (CII GBC) ఈ కార్యక్రమాన్ని నిర్వహిస్తోంది.

ఈ రెండు రోజుల సదస్సుకు ప్రపంచవ్యాప్తంగా ఉన్న 400 మందికి పైగా పరిశ్రమ ప్రతినిధులు మరియు ఇతర స్టేక్‌హోల్డర్లు హాజరుకానున్నారు. ఇందులో ప్రముఖ సిమెంట్ తయారీదారులు, సాంకేతికతను అందించే సంస్థలు, విద్య, పరిశోధనా సంస్థలు అలాగే సుస్థిరత విభాగంలోని నిపుణులతో సహా 50 మందికి పైగా జాతీయ మరియు అంతర్జాతీయ స్థాయి వక్తలు పాల్గొంటారు.

గ్రీన్ సిమెంటెక్ 2026 ప్రధానాంశాలు ఇక్కడ ఉన్నాయి:

రెండు పబ్లికేషన్ల విడుదల:

• మెటీరియల్ ఎఫిషియన్సీలో పురోగతి: తక్కువ కార్బన్ ఉద్గారాల సిమెంట్ తయారీలో ఎస్‌సీఎంల (SCMs) పాత్ర.
• కార్బన్ క్యాప్చర్: సాంకేతికతలు, ఆర్థికాంశాలు, విస్తరణ మార్గాలు.
• సిమెంట్ పరిశ్రమలో నెట్ జీరో (నికర సున్నా ఉద్గారాల) వ్యూహాలపై సీనియర్ పరిశ్రమ నాయకులతో ప్యానెల్ చర్చలు.
• సుస్థిర సిమెంట్ తయారీకి అవసరమైన భవిష్యత్ సాంకేతికతలపై ప్రత్యేక సెషన్లు నిర్వహించనున్నారు.

గ్రీన్ సిమెంటెక్ 2026 ఎక్స్‌పోలో 50 కి పైగా ఎగ్జిబిటర్లు పాల్గొంటారు. వీరు సిమెంట్ పరిశ్రమ భవిష్యత్తును తీర్చిదిద్దే డిజిటల్ సొల్యూషన్స్, ఇంధన సమర్థవంతమైన వ్యవస్థలు, డీకార్బనైజేషన్ టెక్నాలజీలలోని సరికొత్త పురోగతులను ఇక్కడ ప్రదర్శించనున్నారు.

సిమెంట్ పరిశ్రమ మరియు దాని అనుబంధ రంగాల నుండి ప్రముఖ నాయకులు, నిపుణులు ఈ సదస్సును ఉద్దేశించి ప్రసంగించనున్నారు