క్యాండెర్ నూతన బ్రాండ్ అంబాసిడర్‌గా స్మృతి మంధాన 

భారతదేశంలోని యువ , ఆధునిక వినియోగదారులను లక్ష్యంగా చేసుకుని ప్రముఖ లైఫ్‌స్టైల్ జ్యువెలరీ బ్రాండ్ ‘క్యాండెర్’ (Candere) ఒక కీలకమైన ప్రకటన చేసింది. కల్యాణ్ జ్యువెలర్స్ సంస్థకు చెందిన ఈ బ్రాండ్.. భారత మహిళా క్రికెట్ జట్టు స్టార్ ప్లేయర్ స్మృతి మంధానను తమ సరికొత్త బ్రాండ్ అంబాసిడర్‌గా ఎంచుకుంది. 27 జూన్ 2026 నాడు అధికారికంగా వెల్లడైన ఈ భాగస్వామ్యంతో.. అప్పటికే ఈ బ్రాండ్ ఫేస్‌గా కొనసాగుతున్న బాలీవుడ్ దిగ్గజం షారూఖ్ ఖాన్‌తో ఇప్పుడు స్మృతి మంధాన కూడా చేరారు. దేశవ్యాప్తంగా మహిళల క్రికెట్‌కు ఆదరణ విపరీతంగా పెరుగుతున్న తరుణంలో, స్మృతి మంధాన వంటి నిలకడైన, ఆత్మవిశ్వాసం కలిగిన క్రీడాకారిణి తమ బ్రాండ్‌లో భాగం కావడం ఒక ముఖ్యమైన మైలురాయిగా నిలుస్తుందని కంపెనీ పేర్కొంది.

సాధారణంగా నగలను కేవలం పెళ్లిళ్లు, పండుగలు వంటి ప్రత్యేక సందర్భాలలో మాత్రమే ధరిస్తారనే అంచనాలను మారుస్తూ.. ప్రతిరోజూ తమను తాము అందంగా ప్రదర్శించుకోవడంలో జ్యువెలరీని ఒక సహజమైన భాగంగా మార్చడమే లక్ష్యంగా క్యాండెర్ ఈ వ్యూహాత్మక నిర్ణయం తీసుకుంది. నేటి ఆధునిక భారతదేశ వైవిధ్యాన్ని , కస్టమర్ల విభిన్న శైలులను ప్రతిబింబించడానికి షారూఖ్ ఖాన్, స్మృతి మంధానల కలయిక ఎంతగానో తోడ్పడుతుందని నిర్వాహకులు ఆశాభావం వ్యక్తం చేశారు.

రోజువారీ ఫ్యాషన్‌కు సరిపోయే సమకాలీన కలెక్షన్లు
వినియోగదారుల మారుతున్న అభిరుచులకు అనుగుణంగా క్యాండెర్ తమ సరికొత్త డిజైన్లను మార్కెట్లోకి తీసుకువచ్చింది. నిత్య జీవితంలో సులభంగా ధరించేలా ఉండే ఈ కలెక్షన్ల ప్రత్యేకతలు:

ఆధునిక జీవనశైలికి అనుకూలం: ఆఫీసు రోజులు, వారాంతపు సెలవులు (వీకెండ్స్) మొదలుకొని పండుగలు, జీవితంలోని ముఖ్యమైన ప్రతి సందర్భానికి నప్పేలా ఈ సమకాలీన డిజైన్లను రూపొందించారు.

సులభమైన ఎంపిక: కస్టమర్లు చాలా సులువుగా, నిత్యం ఇష్టంగా ధరించేలా ఈ సరికొత్త లైఫ్‌స్టైల్ డిజైన్లు అందుబాటులో ఉన్నాయి.

ఓమ్నీ-ఛానల్ విధానం: దేశవ్యాప్తంగా 130 కంటే ఎక్కువ రిటైల్ స్టోర్లతో వేగంగా విస్తరిస్తున్న క్యాండెర్, అటు ఫిజికల్ స్టోర్లలోనూ, ఇటు డిజిటల్ ప్లాట్‌ఫామ్‌లలోనూ కస్టమర్లకు ఎంతో సులభమైన షాపింగ్ అనుభవాన్ని అందిస్తోంది.

ఈ ప్రయాణంపై రమేష్ కల్యాణరామన్ , స్మృతి మంధాన స్పందన
ఈ సరికొత్త భాగస్వామ్యం గురించి క్యాండెర్ డైరెక్టర్ రమేష్ కల్యాణరామన్ మాట్లాడుతూ, స్మృతి మంధాన ప్రభావం కేవలం క్రికెట్ మైదానానికే పరిమితం కాలేదని, ఆమె ఆశయాలు, నిజాయితీ , ఆత్మవిశ్వాసానికి విలువ ఇచ్చే నేటి తరానికి ప్రతిరూపంగా నిలిచారని ప్రశంసించారు. క్యాండెర్ ఒక లైఫ్‌స్టైల్ జ్యువెలరీ బ్రాండ్‌గా మరింతగా విస్తరిస్తున్న తరుణంలో, ఆమెతో ఏర్పడిన ఈ బంధం దేశవ్యాప్తంగా ఉన్న కస్టమర్లతో అనుబంధాన్ని మరింత పెంచడానికి సహాయపడుతుందని ఆయన అన్నారు.

బ్రాండ్‌తో తన అనుబంధంపై స్మృతి మంధాన సంతోషం వ్యక్తం చేస్తూ, ప్రస్తుత వినియోగదారుల ఫ్యాషన్ , స్టైల్ అభిరుచులను సరిగ్గా అర్థం చేసుకున్న క్యాండెర్‌తో కలిసి పనిచేయడం ఎంతో ఉత్సాహాన్ని ఇస్తోందని పేర్కొన్నారు. తన వ్యక్తిగత జీవితంలో కూడా నగలు అనేవి కేవలం ప్రత్యేక సందర్భాల కోసం దాచుకునేవి కావని, వాటిని ప్రతిరోజూ ధరించడం తన వ్యక్తిగత శైలిలో ఒక భాగమని వివరించారు. క్యాండెర్ అందిస్తున్న ఆధునిక డిజైన్లు ఈ ఆలోచనకు సరిగ్గా సరిపోతాయని, ఈ బ్రాండ్ ప్రచారాల ద్వారా ప్రజలకు మరింత చేరువవడానికి తాను ఎదురుచూస్తున్నట్లు ఆమె స్పష్టం చేశారు. కల్యాణ్ జ్యువెలర్స్ నమ్మకమైన వారసత్వంతో, అద్భుతమైన నైపుణ్యం , సులభంగా అందుబాటులో ఉండే ధరలతో క్యాండెర్ మార్కెట్లో తనదైన ముద్ర వేస్తోంది.